Жон Гришам бол гайхамшигтай авьяастан бөгөөд үхлийн аюул эрсдэлтэй, ээдрээт үйл явдлуудыг сэтгэл татам сонирхолтой уран зохиол болгон хувиргадаг ховорхон чадвартай зохиолч юм. Түүний зохиол бүтээлүүдийн гол дүрүүд нь өмгөөлөгч, шүүгч болон тэдний алдаанаас болж хохирсон хүмүүс, хэрэг зөрчил гаргагчид байх ба номын уншигчид тэдний төлөө өөрийн ах дүү төрөл садан, ойр дотнын хүмүүсийн адил сэтгэл түгшин зовдог. Чухам тийм учраас л түүний зохиолууд хамгийн их эрэлттэй номуудын жагсаалтыг тэргүүлж, дэлхийн 40 гаруй улсын хэлээр орчуулагдан 375 сая хувиар борлуулагджээ.